အခြေအနေပြဘားထဲတွင် (သို့) ကိုမြင်လျှင် (သို့) SIM ကို အသိအမှတ်မပြုဟူသော မက်ဆေ့ချ်ကိုမြင်လျှင်-

1. သင့်ဖုန်းကို ပိတ်ပြီးပြန်ဖွင့်ပါ။

   ကွန်ရက်နှင့် အသစ်ချိတ်ဆက်ရန် ပါဝါ + အသံချဲ့ခလုတ်ကို တစ်ပြိုင်နက် ဖိထားပြီးနောက် ပြန်စရန် ကို နှိပ်ပါ။ထို့နောက် ကွန်ရက်နှင့် အသစ်ချိတ်ဆက်ရန် ၎င်းကို ဖွင့်ပါ။

2. အောက်ပါတို့မှ တစ်ခုကို လုပ်ပါ-

   • SIM ကတ်အစစ်ကို အသုံးပြုနေလျှင် သင့်ဖုန်းကို ပိတ်ပါ၊ ပြီးနောက် SIM ကို ဖြုတ်၍ ပြန်ထည့်ပါ။
   • eSIM ကို အသုံးပြုနေလျှင် eSIM ကို ပြန်သတ်မှတ်ပါ၊ ပြီးနောက် ၎င်းကို ထပ်မံသတ်မှတ်ချိန်ညှိပါ။
3. သင့်အကောင့်ကို သင့်လျော်မှန်ကန်စွာ သတ်မှတ်ထားကြောင်း သေချာစေရန် သင်၏ ဖုန်းလိုင်းကုမ္ပဏီထံ ဆက်သွယ်ပါ။
4. SIM ကတ်ကို အစားထိုးရန် သင်၏ ဖုန်းလိုင်းကုမ္ပဏီထံ မေးမြန်းပါ။
5. ပြင်ပ ဖုန်းပြန်သတ်မှတ်မှု တစ်ခုကို လုပ်ဆောင်ပါ။

သင့်တွင် ကွန်ရက် ပြဿနာများရှိနေပါက-

1. လိုင်း မိသော်လည်း အ​​ခြေအနေပြဘား က ကို သင့်လက်ရှိတည်နေရာတွင် ပြသပါက အပြင်ဘက်ကဲ့သို့ လိုင်းဆွဲအားကောင်းမည့် အခြားနေရာတစ်ခုသို့ ရွှေ့ပါ။ ထိုနေရာတွင် သင်၏ ဖုန်းလိုင်းကုမ္ပဏီမှ ဝန်ဆောင်မှု ပံ့ပိုးခြင်းရှိမရှိ မသေချာပါက ဖုန်းလိုင်းကုမ္ပဏီ၏ ဝဘ်ဆိုက်တွင် ဖော်ပြထားသည့် လိုင်းမိသည့်နေရာများကို ပြသော မြေပုံကို စစ်ဆေးကြည့်ပါ။
2. ​လေယာဉ်မုဒ် ပွင့်နေပါက ပိတ်ပါ။
3. သင့်ဖုန်းကို ပိတ်ပြီးပြန်ဖွင့်ပါ။
4. အက်ပ် အပ်ဒိတ်များကို စစ်ဆေးပါ။
5. သင့်ဖုန်းအတွက် ဆော့ဖ်ဝဲအပ်ဒိတ် ရရှိနိုင်ခြင်း ရှိ၊ မရှိ စစ်ဆေးပါ။
6. သင့် SIM ကတ်ကိုဖြုတ်ပြီး ပြန်လည်ထည့်သွင်းပါ။
7. သင်ထည့်သွင်းထားသည့် အက်ပ်များက ပြဿနာဖြစ်စေခြင်း ဟုတ်၊ မဟုတ် ကြည့်ရန် လုံခြုံရေးမုဒ် ကို အသုံးပြုပြီး လိုအပ်ပါက ဖျက်ပစ်ပါ။
8. ဖုန်းကိုပြန်သတ်မှတ်ပါ။

1. သင့်ဖုန်းကို ပိတ်ပြီးပြန်ဖွင့်ပါ။

   ကွန်ရက်နှင့် အသစ်ချိတ်ဆက်ရန် ပါဝါ + အသံချဲ့ခလုတ်များကို တစ်ပြိုင်နက် ဖိ၍နှိပ်ထားပြီးနောက် ပြန်စရန် ကို နှိပ်ပါ။

2. ဖုန်း အက်ပ်အတွက် ယာယီသိမ်းဒေတာကို ရှင်းလင်းပါ။
3. သင်ထည့်သွင်းထားသည့် အက်ပ်များက ပြဿနာဖြစ်စေခြင်း ဟုတ်၊ မဟုတ် ကြည့်ရန် လုံခြုံရေး မုဒ်ကို အသုံးပြုပြီး လိုအပ်ပါက ပြန်ဖျက်ပါ။
4. သင့်ဖုန်းအတွက် ဆော့ဖ်ဝဲအပ်ဒိတ် ရနိုင်ခြင်း ရှိ၊ မရှိ စစ်ဆေးပါ။
5. ဖုန်းကို ပြန်လည်သတ်မှတ်ပါ။

ပြည်ပ ခေါ်ဆိုမှုများ

1. နံပါတ်တစ်ခုသို့ သင်ခေါ်ဆိုသည့်အခါ ဖုန်းမအားကြောင်း ချက်ချင်း ကြားရပါက ဖုန်းမဝင်စေရန် အဟန့်အတားဖြစ်စေသည့် ဆယ်လူလာ ပတ်လမ်းကြောင်းအားလုံးအား အသုံးပြုနေသောကြောင့် ဖြစ်နိုင်ပါသည်။ နောက်မှ ထပ်မံခေါ်ဆိုကြည့်ပါ။
2. ထိုနံပါတ်သို့ ဖုန်းခေါ်သည့်အခါတိုင်း ဖုန်းမအားကြောင်း ချက်ချင်း ကြားရပါက သင့်နံပါတ်အား အက်ပ်တစ်ခုသုံး၍ တားဆီးထားခြင်းဖြစ်နိုင်ပါသည်။ အခြား နံပါတ်တစ်ခုဖြင့် ခေါ်ကြည့်ပါ။

အဝင်ခေါ်ဆိုမှုများ

လိုင်းမိပြီး ဖုန်းခေါ်ဆိုမှုများကို ပြုလုပ်နိုင်သော်လည်း ခေါ်ဆိုသူများက သင့်ထံ ဖုန်းခေါ်သည့်အခါ မအားလပ်သည့် အသံကိုသာ အမြဲကြားရသည်ဟု ပြောပါက ၎င်းတို့၏ နံပါတ်များအား သင်တားဆီးထားခြင်း ရှိမရှိ စစ်ဆေးပါ။