1. သင့်ဒေတာကို အရန်သိမ်းပါ။

   သင့်ဖုန်းအလုပ်လုပ်ပြီး သော့ဖြည်နိုင်ပြီ ဆိုပါက-

   • သင်၏ ဓါတ်ပုံများနှင့် ဗီဒီယိုများကို Google Photos ပင်မဖိုင်တွဲ၌ အလိုအလျောက် သိမ်းဆည်းမထားပါက ယခုပင် အရန်သိမ်းဆည်းထားပါ သို့မဟုတ် ၎င်းတို့ကို ကွန်ပျူတာ၌ကူးယူထားပါ။
   • ဖိုင်နှင့် ဖိုင်တွဲများကို Drive တွင် အရန်သိမ်းပါ။
   • အဆက်အသွယ်များ (သို့) ပြက္ခဒိန်တွင် ပြုလုပ်သည့် အပြောင်းအလဲများအား အကောင့်ထဲသို့ သေချာအောင် ဆင့်ခ် လုပ်ပါ။

2. သင့်လုံခြုံရေးအချက်အလက်သည် သင့်လက်ဝယ်တွင် ရှိကြောင်းသေချာပါစေ-

   • သင့်ဖုန်းရှိ Google အကောင့်၏သုံးစွဲသူအမည်။ (ဆက်တင်များ > စကားဝှက်၊ လျှို့ဝှက်ကီး၊ အကောင့်)
   • အဆိုပါ Google အကောင့်အတွက် စကားဝှက်။ စကားဝှက်မေ့နေပါက ပြန်လည်သတ်မှတ်နိုင်ပါသည်။ သင့်စကားဝှက်ကို ပြန်လည်သတ်မှတ်မည်ဆိုပါက ၂၄ နာရီစောင့်ပြီးမှ ဖုန်းကိုပြန်လည်သတ်မှတ်ပါ။
   • စခရင်ကို သော့ခတ်ထားပါက PIN နံပါတ်၊ ပုံစံ သို့မဟုတ် စကားဝှက်ကို သိနေပါစေ။

   ပြန်လည်သတ်မှတ်ပြီးနောက်တွင် သင့်အချက်အလက်များကို ပြန်လည်ရယူလိုပါက လုံခြုံရေးအချက်အလက်ကို ရိုက်ထည့်ရန် လိုပါသည်။ သို့မှသာ ပြန်လည်ချိန်ကိုက်မှုကို သင် သို့မဟုတ် သင်ယုံကြည်ရသည့် သူတစ်ဦးတစ်ယောက်က လုပ်ဆောင်ခဲ့ခြင်းကို ပေါ်လွင်စေပြီး အခြားသူများက သင့်ဖုန်းကို အခွင့်မရှိဘဲ အသုံးပြုခြင်းမှလည်း ကာကွယ်ပြီးဖြစ်ပါသည်။

3. သင့်ဖုန်းကို တစ်စုံတစ်ယောက်သို့ ပေးတော့မည်ဆိုပါက စက်ရုံထုတ်အတိုင်းသတ်မှတ်မှုကို ကာကွယ်ခြင်း (FRP) ကို ပိတ်ပါ-

   1. စခရင်သော့ကို ဖယ်ရှားပါ။
   2. ဖုန်းမှ သင့် Google အကောင့်များကို ဖြုတ်ပါ။

   FRP သည် သင့်ဖုန်း ပျောက်ဆုံးပါက သို့မဟုတ် အခိုးခံရပါက သင်၏ဒေတာများလုံခြုံစေရန် ထိန်းသိမ်းပေးသော လုံခြုံရေးအစီအမံတစ်ခုဖြစ်ပြီး ၎င်းသည် ဖုန်းကိုပြန်သတ်မှတ်ရန် ပိုင်ရှင်အကောင့်ဖြင့် ဝင်ရောက်ရန်လိုအပ်သည်။ ပြန်မသတ်မှတ်မီ သင့်အကောင့်နှင့် စခရင်သော့ကို ဖယ်ရှားခြင်းဖြင့် ပိုင်ရှင်အသစ်သည် သူ၏ ကိုယ်ပိုင်အချက်အလက်ဖြင့် စနစ်ထည့်သွင်းနိုင်သည်။

ဒေတာအားလုံးကို ဖျက်ပြီး သင့်ဖုန်းကို ပြန်သတ်မှတ်ရန်-

1. ဆက်တင်များ > စနစ်သို့ သွားပါ။
2. ပြန်သတ်မှတ်ရန်ရွေးစရာများ > ဒေတာအားလုံးဖျက်ရန် (စက်ရုံထုတ်ဆက်တင် သတ်မှတ်ရန်) ကို နှိပ်ပါ။

ဆက်တင်များ ကို မဖွင့်နိုင်လျှင် ပြင်ပမှ ပြန်သတ်မှတ်ခြင်းကို ပြုလုပ်ပါ။

1. သင့်ဘက်ထရီကို ၃၀% သို့မဟုတ် ယင်းထက်ပို၍ အားသွင်းပါ။
2. ဖုန်းကို ပိတ်ပါ။
3. ဖုန်း မပွင့်မချင်း အသံတိုး ခလုတ်နှင့် ပါဝါ ခလုတ်ကို တစ်ပြိုင်နက် ဖိ၍နှိပ်ထားပါ။
4. Recovery mode ကို သင်မြင်ရသည်အထိ အသံတိုးခလုတ်ကို ဖိထားပါ။

5. ပြန်လည်ရယူသည့် မုဒ်တွင် ပြန်စတင်ရန် ပါဝါခလုတ်ကို နှိပ်ပါ။

6. သတိပြုရန် အမှတ်အသားပါသည့် Android စက်ရုပ်ကိုတွေ့ပါက ပါဝါခလုတ်ကို ဖိထားပါ၊ ၎င်းကိုဖိထားစဉ်တွင် အသံချဲ့သည့်ခလုတ်ကို နှိပ်ပြီး လွှတ်လိုက်ပါ။
7. အသံခလုတ်များဖြင့် Wipe data/factory resetအထိ ရွှေ့၍ ကြည့်ပြီးနောက် ပါဝါခလုတ်ကိုနှိပ်ပြီး ရွေးချယ်ပါ။

8. အသံခလုတ်များဖြင့် Factory data resetအထိ ရွှေ့၍ကြည့်ပြီးနောက် ပါဝါခလုတ်ကိုနှိပ်ပြီး ရွေးချယ်ပါ။

   ပြန်လည်သတ်မှတ်မှု ပြီးမြောက်ရန် အချိန်အနည်းငယ် စောင့်ပါ။

9. အသံခလုတ်များဖြင့် Reboot system nowအထိ ရွှေ့၍ကြည့်ပြီးနောက် ပါဝါခလုတ်ကိုနှိပ်ပြီး ရွေးချယ်ပါ။

   ပြန်စတင်မှု ပြီးမြောက်ရန် အချိန်အနည်းငယ် စောင့်ပါ။ သင့်ဖုန်းက ပြန်လည်စတင်မှုကို မပြီးမြောက်လျှင် စခရင် မှောင်သွားသည်အထိ ပါဝါခလုတ်ကို နှိပ်ပြီးဖိထားပါ၊ ပြီးနောက် ပုံမှန်အတိုင်း ပါဝါပြန်ဖွင့်ရန် လွှတ်လိုက်ပါ။

10. ပြင်ပအက်ပ်တစ်ခုက ပြဿနာများကို ဖြစ်ပေါ်စေသည်ဟု သင်သံသယဝင်သောကြောင့် သင့်ဖုန်းကို ပြန်လည်သတ်မှတ်ပါက ဖုန်းကို ပြန်သတ်မှတ်စဉ် အက်ပ်အားလုံးကို မကူးယူကြောင်း သေချာပါစေ။ တစ်ကြိမ်လျှင် အက်ပ်တစ်ခုစီကိုသာ နဂိုအတိုင်းပြန်ထားပြီး ဖုန်းကို ခဏကြာ အသုံးပြုကြည့်ပါ။ ဖုန်းတွင် ပြဿနာများ မရှိပါက နောက်အက်ပ်ကို ထည့်သွင်းပြီး ပြန်လည်စမ်းသပ်ပါ။