သင့်ဖုန်းအတွက် ဒီဇိုင်းထုတ်ထားသော ကာဗာများနှင့် အခြားဆက်စပ်ပစ္စည်းများကို motorola.com တွင် ရှာဖွေပါ

စခရင်ကို သန့်ရှင်းရန်-

• သင့်ဖုန်းကို ပိုးသတ်ခြင်းမဟုတ်သော်လည်း အကောင်းဆုံး သန့်ရှင်းရေးပြုလုပ်နည်းမှာ နူးညံ့ပျော့ပြောင်းသော အဝတ်စခြောက်ဖြင့် နှံ့စပ်အောင် သုတ်ခြင်းဖြစ်သည်။ ကြမ်းတမ်းသော အဝတ်များ၊ လက်သုတ်စက္ကူအပါအဝင် အခြားကြမ်းတမ်းသော မျက်နှာပြင်ရှိသည့် ပစ္စည်းများကို ရှောင်ရှားပါ။
• စခရင်ပေါ်သို့ အရည်စက်များ ကျသွားပါက သန့်ရှင်းခြောက်သွေ့သော အဝတ်ဖြင့် သုတ်ပါ။

ဖုန်းကို ပိုးသတ်ရန်-

• Isopropyl Alcohol ၇၀% ပါဝင် စိုစွတ်နေသည့် ရေစိုတစ်ရှူးကိုဖြစ်စေ အဝတ်စကိုဖြစ်စေ အသုံးပြုနိုင်သည်။
• ဖုန်းကို ပိုးသတ်သောအခါ သို့မဟုတ် သန့်ရှင်းရေး ပြုလုပ်သောအခါ ပါဝါပိတ်ပြီး အားသွင်းပေါက်၊ နားကြပ်ပေါက်၊ မိုက်ခရိုဖုန်းနှင့် စပီကာ‌ပေါက်များကဲ့သို့ အပေါက်များအတွင်း ရေမှုန်ရေစ မဝင်ရောက်စေရန် လုပ်ဆောင်ပါ။
• မည်သည့် သန့်ရှင်းရေးသုံးဆေးရည် အတွင်းသို့မျှ သင်၏ဖုန်းကို မနှစ်မြှုပ်ရ။ အရောင်ချွတ်ဆေး သို့မဟုတ် ချွတ်ဆေးပါဝင်သော သန့်ရှင်းရေးပစ္စည်းများ အသုံးပြုခြင်းနှင့် စခရင်ပေါ်သို့ သန့်ရှင်းရေး စပရေးများ တိုက်ရိုက်ပက်ဖျန်းခြင်းကို ရှောင်ကြဉ်ပါ။

ရေစိုဒဏ်ခံဒီဇိုင်းသည် မတော်တဆ ဖိတ်ကျမှု၊ ရေစဉ်မှု သို့မဟုတ် မိုးဖွဲဖွဲရွာခြင်းကဲ့သို့သော ရေချိုနှင့် သာမန်ထိတွေ့မှုတို့အတွက် အကာအကွယ် အတားအဆီးတစ်ခု ဖြစ်စေသည်။ ရေအောက်တွင်နှစ်ထားရန် သို့မဟုတ် ဖိအားပြင်းရေ သို့မဟုတ် အခြားအရည်များနှင့် ထိတွေ့ရန် ဒီဇိုင်းထုတ်ထားခြင်းမဟုတ်ပါ။ ခံနိုင်ရည်သည် တဖြည်းဖြည်း ဆုတ်ယုတ်လာနိုင်ပါသည်။ (> 1.0mm) ဖုန်မှုန့်ဒဏ်ကို အကန့်အသတ်ဖြင့် ကာကွယ်ပေးရန် ဒီဇိုင်းထုတ်ထားသည်။ သို့သော်လည်း ဖုန်မှုန့်များ ဝင်ရောက်ခြင်းကို လုံးဝ တားဆီးပေးခြင်းမဟုတ်ပါ။ ရေစိမ်မခံပါ။

အရည်ကြောင့် ဖုန်းပျက်စီးပါက အာမခံအကျုံးမဝင်ပါ။

သင့်ဖုန်းကို ရေကြောင့်ပျက်စီးမှုမှ ကာကွယ်ရန်-

• သင့်ဖုန်းကို ဖိအားရှိသောရေ၊ ဆားငန်ရေ သို့မဟုတ် ရေချိုမဟုတ်သည့် အခြားအရည်များနှင့် မထိတွေ့ပါစေနှင့်
• သင့်ဖုန်းနှင့် အပေါက်များကို နူးညံ့၍ သန့်ရှင်းသော အဝတ်ဖြင့် သေချာစွာ ခြောက်သွေ့အောင်လုပ်ပါ
• ရေစိုနေချိန်တွင် သင့်ဖုန်းကို အားသွင်းရန် မကြိုးစားပါနှင့်
• သင့်ဖုန်းကို ပစ်ချခြင်း၊ အပေါက်ဖောက်ခြင်း သို့မဟုတ် ခြစ်ခြင်း မပြုပါနှင့်။ ၎င်းသည် ရေစိမ့်မဝင်အောင် လုပ်ထားသည့်အင်္ဂါရပ်များကို ပျက်စီးစေနိုင်ပါသည်