ဖိုင်များ ရွှေ့ပြောင်း၍ မရနိုင်ခြင်း သို့မဟုတ် USB ကို ကွန်ပျူတာနှင့် ချိတ်ဆက်၍ မရနိုင်ခြင်း

သင့်ဖုန်းနှင့် သင့်ကွန်ပျူတာကို USB ချိတ်ဆက်ခြင်း အသုံးပြုမှု အဆင်မပြေပါက အောက်ပါနည်းလမ်းများအတိုင်း စမ်းသပ်ကြည့်ပါ။

USB ချိတ်ဆက်မှုကို စစ်ဆေးပါ။

  • သင့်ဖုန်းတွင် သင့် USB ချိတ်ဆက်မှုကို file transfer မုဒ်သို့ သတ်မှတ်ထားခြင်းရှိ၊ မရှိ စစ်ဆေးကြည့်ပါ။
  • USB ကြိုး လဲစမ်းကြည့်ပါ။ USB ကြိုးတိုင်း ဖိုင်ပြောင်းရွှေ့မှု မလုပ်ဆောင်နိုင်ပါ။
  • စိုထိုင်းဆ မြင့်မားသော ပတ်ဝန်းကျင်များတွင် ဖြစ်ပွားနိုင်သည့် ဖုန်း USB အပေါက်ထဲတွင် ရေငွေ့ကို တွေ့ရှိပါက သို့မဟုတ် သင့်ဖုန်း ရေစိုသွားပါက ဖုန်းကို ပလတ်ဖြုတ်ပါ၊ ခြောက်အောင်သုတ်ပြီး အစိုဓာတ်ကို ဖယ်ရှားရန် USB အပေါက်ကို အောက်ဘက်သို့ မျက်နှာမူထားပြီး 10 ကြိမ် ညင်သာစွာ ခါချပါ။ လေသလပ်ခံရန် ၎င်းကို အဝတ်ပေါ် တင်ထားပါ သို့မဟုတ် အမြန် ခြောက်သွေ့အောင် ကူညီပေးရန် ပန်ကာကို အသုံးပြုပါ။
  • သင့်ဖုန်း၏ USB ပေါက်ကို စမ်းသပ်ရန် တခြားကွန်ပျူတာတစ်လုံးနှင့် ချိတ်ဆက်ကြည့်ပါ။
  • သင့်ကွန်ပျူတာ၏ USB ပေါက်ကို စမ်းသပ်ရန် တခြားပစ္စည်းတစ်မျိုးနှင့် ချိတ်ဆက်ကြည့်ပါ။
  • သင့်ဖုန်းကို ကား၊ ပရိုဂျက်တာ သို့မဟုတ် အခြားစက်နှင့် ချိတ်ဆက်ရန် စက်နှင့် ပါလာသည့် သုံးစွဲသူ လက်စွဲစာအုပ်ကို ကိုးကားပါ။

သင့်ကွန်ပျူတာကို စစ်ဆေးပါ။

Windows PC

  1. သင့် PC တွင် ဆက်တင်များ > အဆင့်မြင့် စနစ်ဆက်တင်များ > hardware တဘ်သို့သွား၍ > စက်တပ်ဆင်မှု ဆက်တင်များ ကို စက်အသစ်များအတွက် ဒရိုက်ဗာများအား အလိုအလျောက် ရှာဖွေပြီး ထည့်သွင်းရန် သတ်မှတ်ထားခြင်းရှိ၊ မရှိ စစ်ဆေးကြည့်ပါ။
  2. သင့် PC ကို ပြန်လည်စတင်ပါ။

Mac ကွန်ပျူတာ

  1. သင့်ကွန်ပျူတာသည် Mac OS X 10.5 နှင့် နောက်ပိုင်းဖြင့် လည်ပတ်နေခြင်းရှိ၊ မရှိ စစ်ဆေးကြည့်ပါ။
  2. သင့်ကွန်ပျူတာတွင် Android File Transfer ထည့်သွင်း အသုံးပြုထားမထား စစ်ဆေးပါ။
  3. သင့်ကွန်ပျူတာကို ပိတ်ပြီး ပြန်ဖွင့်ကြည့်ပါ။

သင့်ဖုန်းကို စစ်ဆေးပါ။

  1. သင့်ဖုန်းအတွက် ဆော့ဖ်ဝဲ အပ်ဒိတ် ရရှိနိုင်ခြင်း ရှိမရှိ စစ်ဆေးပါ။

  2. သင့်ဖုန်းကို ပိတ်ပြီး ပြန်ဖွင့်ပါ။

    ပါဝါ + အသံချဲ့ ခလုတ်များကို တစ်ပြိုင်နက် ဖိနှိပ်ထားပြီးနောက် ပြန်စရန် ကို တို့ပါ။