သင်၏စက်ပစ္စည်း အကြောင်း

သင့်ဖုန်းအတွက် ဒီဇိုင်းထုတ်ထားသော ကာဗာများနှင့် အခြားဆက်စပ်ပစ္စည်းများကို motorola.com တွင် ရှာဖွေပါ

စခရင်ကို သန့်ရှင်းရန်-

• သင့်ဖုန်းကို ပိုးသတ်ခြင်းမဟုတ်သော်လည်း အကောင်းဆုံး သန့်ရှင်းရေးပြုလုပ်နည်းမှာ နူးညံ့ပျော့ပြောင်းသော အဝတ်စခြောက်ဖြင့် နှံ့စပ်အောင် သုတ်ခြင်းဖြစ်သည်။ ကြမ်းတမ်းသော အဝတ်များ၊ လက်သုတ်စက္ကူအပါအဝင် အခြားကြမ်းတမ်းသော မျက်နှာပြင်ရှိသည့် ပစ္စည်းများကို ရှောင်ရှားပါ။
• စခရင်ပေါ်သို့ အရည်စက်များ ကျသွားပါက သန့်ရှင်းခြောက်သွေ့သော အဝတ်ဖြင့် သုတ်ပါ။

ဖုန်းကို ပိုးသတ်ရန်-

• Isopropyl Alcohol ၇၀% ပါဝင် စိုစွတ်နေသည့် ရေစိုတစ်ရှူးကိုဖြစ်စေ အဝတ်စကိုဖြစ်စေ အသုံးပြုနိုင်သည်။
• ဖုန်းကို ပိုးသတ်သောအခါ သို့မဟုတ် သန့်ရှင်းရေး ပြုလုပ်သောအခါ ပါဝါပိတ်ပြီး အားသွင်းပေါက်၊ နားကြပ်ပေါက်၊ မိုက်ခရိုဖုန်းနှင့် စပီကာ‌ပေါက်များကဲ့သို့ အပေါက်များအတွင်း ရေမှုန်ရေစ မဝင်ရောက်စေရန် လုပ်ဆောင်ပါ။
• မည်သည့် သန့်ရှင်းရေးသုံးဆေးရည် အတွင်းသို့မျှ သင်၏ဖုန်းကို မနှစ်မြှုပ်ရ။ အရောင်ချွတ်ဆေး သို့မဟုတ် ချွတ်ဆေးပါဝင်သော သန့်ရှင်းရေးပစ္စည်းများ အသုံးပြုခြင်းနှင့် စခရင်ပေါ်သို့ သန့်ရှင်းရေး စပရေးများ တိုက်ရိုက်ပက်ဖျန်းခြင်းကို ရှောင်ကြဉ်ပါ။

ထိန်းချုပ်ထားသော ဓာတ်ခွဲခန်း အခြေအနေအောက်တွင် စမ်းသပ်ထားသည့် ဖုန်းသည် IP68 (IEC 60529) အဆင့်သတ်မှတ်ချက်အထိ ရေစိုခံ၊ ရေစဉ်ခံနိုင်ပြီး ဖုန်ဝင်ခံနိုင်သည်။ ဖုန်းကို ရေသေ၊ ရေချို 1.5 မီတာအထိတွင် မိနစ် 30 ကြာ နှစ်ထားနိုင်သည်။ ဤအဆင့်သတ်မှတ်ချက်ထက် ကျော်လွန်သော အခြေအနေများနှင့် ထိတွေ့ခြင်းသည် အာမခံတွင် အကျုံးမဝင်ပါ။ သုံးစွဲမှုကြာလာသည်နှင့်အမျှ ဒဏ်ခံနိုင်မှု လျော့ကျလာမည်။ ရေအောက်တွင် ရှိနေသည့်အချိန်၌ အသုံးပြုရန် ဒီဇိုင်းထုတ်ထားခြင်း မဟုတ်ပါ။ ဖိအားရှိသည့်ရေ သို့မဟုတ် ရေချိုမဟုတ်သည့် အခြားအရည်များနှင့် မထိတွေ့မိပါစေနှင့်။ ရေစိုနေသောဖုန်းကို အားသွင်းရန် မကြိုးစားပါနှင့်။ အရွယ်အစားအမျိုးမျိုးရှိသည့် အစိုင်အခဲပစ္စည်းများ ဝင်ရောက်ခြင်းမှ ကာကွယ်ရန် ဒီဇိုင်းထုတ်ထားသည်။ ရေမလုံပါ။

သင့်ဖုန်းကို ရေကြောင့်ပျက်စီးမှုမှ ကာကွယ်ရန်-

• သင့်ဖုန်းကို ဖိအားရှိသောရေ၊ ဆားငန်ရေ သို့မဟုတ် ရေချိုမဟုတ်သည့် အခြားအရည်များနှင့် မထိတွေ့ပါစေနှင့်
• ရေနှင့် ကြာရှည်စွာ ထိတွေ့ခြင်းမှ ရှောင်ကြဉ်ပြီး ရေထဲတွင် တမင်တကာ နှစ်ခြင်း မပြုပါနှင့်
• သင့်ဖုန်းနှင့် အပေါက်များကို နူးညံ့၍ သန့်ရှင်းသော အဝတ်ဖြင့် သေချာစွာ ခြောက်သွေ့အောင်လုပ်ပါ
• ရေစိုနေချိန်တွင် သင့်ဖုန်းကို အားသွင်းရန် မကြိုးစားပါနှင့်
• သင့်ဖုန်းကို ပစ်ချခြင်း၊ အပေါက်ဖောက်ခြင်း သို့မဟုတ် ခြစ်ခြင်း မပြုပါနှင့်။ ၎င်းသည် ရေစိမ့်မဝင်အောင် လုပ်ထားသည့်အင်္ဂါရပ်များကို ပျက်စီးစေနိုင်ပါသည်