သိုလှောင်ခန်း ရွေးချယ်စရာများအကြောင်း

သင့်ဖုန်း​ပေါ်တွင် ဓာတ်ပုံများ၊ ဗီဒီယိုများ၊ တေးဂီတနှင့် အပလီကေးရှင်းများကို သိမ်းထားနိုင်ပါသည်။ အင်တာနက်မှ သင် ဒေါင်းလုဒ်လုပ်ထားသည့် ဖိုင်များနှင့် အီးမေးလ် မှ သင်သိမ်းထားသည့် ပူးတွဲပါဖိုင်များ သို့မဟုတ် စာသားမက်ဆေ့ချ် များကိုလည်း ထိုနေရာတွင် သိုလှောင်ထားပါသည်။

လိုအပ်ချိန်တွင် သင်က နေရာလွတ်အောင် ရှင်းပစ် နိုင်သည်။

မီဒီယာဖိုင်များကို SD ကတ်တွင်လည်း သိမ်းနိုင်ပါသည်။ ကတ်ကို ထည့်သွင်း ပြီး သင့်ဖိုင်များကို ဖုန်းသိုလှောင်ခန်းမှ SD ကတ်သို့ ရွှေ့ပြောင်း ​ပါ။

အကျိုးကျေးဇူးများတွင် အောက်ပါတို့ပါဝင်ပါသည်-

• သင့်ဖိုင်များအား ချက်ချင်းဝင်ရောက် သုံးစွဲနိုင်မှု
• ဖိုင်များကို ရယူအသုံးပြုရန် မည်သည့် ဆယ်လူလာ ဒေတာ သို့မဟုတ် အင်တာနက်ချိတ်ဆက်မှုမျှ မလိုအပ်ပါ
• သီးသန့်ထားရှိမှုအပေါ် ပိုမိုထိန်းချုပ်နိုင်မှု

ကလောက်ဒ်သည် အခြားစက်များနှင့် သင်မျှဝေလိုသည့်၊ အခြားစက်များမှ သင် ရယူလိုသည့် ဓာတ်ပုံများ၊ ဗီဒီယိုများနှင့် တေးဂီတများကဲ့သို့သော ဖိုင်များကို သိုလှောင်ရန် အကောင်းဆုံးဖြစ်သည်။

အကျိုးကျေးဇူးများတွင် အောက်ပါတို့ပါဝင်ပါသည်-

• သင့်ဖိုင်များကို အင်တာနက်ချိတ်ဆက်မှုရှိသည့် မည်သည့်စက်တွင်မဆို ရယူအသုံးပြုပါ
• ဖိုင်များကို ဆင့်ခ်လုပ်ခြင်း - သိုလှောင်ခန်းတည်နေရာများစွာရှိ ဗားရှင်းမျိုးစုံကို ခြေရာခံနေရန် မလိုအပ်ပါ
• ဖုန်းပျောက်ဆုံး သို့မဟုတ် ပျက်စီးပါက ဓာတ်ပုံနှင့် ဗီဒီယိုအရန်သိမ်းထားသည်များကို ရယူနိုင်ပါသည်

ကလောက်သိုလှောင်ခန်းကို ပံ့ပိုးသူများသည် အခမဲ့သုံးစွဲနိုင်သည့် သိုလှောင်ခန်း ကန့်သတ်ချက်သို့ သင်ရောက်ရှိသည်နှင့် အခပေး၍ တိုးချဲ့နိုင်သော သိုလှောင်ခန်းနေရာတစ်ခုကို အမြဲ ရောင်းချပါသည်။ သို့မဟုတ် အသစ်များကိုသိမ်းရန် နေရာလွတ်ရရှိရန် သင်မလိုအပ်တော့သော ဖိုင်များကို ဖယ်ရှားခြင်းဖြင့် သင့် အခမဲ့သုံး သိုလှောင်ခန်းကို စီမံနိုင်သည်။

Drive နှင့် Photos ကဲ့သို့သော အက်ပ်များက မီဒီယာဖိုင်များအား ကလောက်ဒ်တွင် အလွယ်တကူ သိမ်းဆည်း နိုင်စေပါသည်။